مى دى اختى الى بموت فيها
تقريبا بحبها اكتر واحده فى الدنيا
انا قولت بس اقولكم علشان دى حاجه مهمه اوى فى حياتى
مى بنتى
انا بحس انها بنتى
بحبها زى بنتى
مع ان الفرق بنا سنتين بس
الخميس، 17 سبتمبر 2009
بجد عارفه الحل ومش عايزاه
او مش قادره عليه
لا قادره بس مش عايزه
مشكلتى انى مبهوره بيه بس دلوقتى مش اوى
الاول كنت مبهوره اوى بيه
غيرنى كلى من جوايا كل حاجه جوايا غيرها وساب بصمته عليها
دخلنى دنيا ماينفعش اعيش فيها بس عايزاها وحموت عليها
وعشان انا الحمد لله بفكر بعقلى مدخلتش فيها
شيماء قالتلى انه غير الطيبه الى كانت جوايا
الى كانت بتخلى اى حد يشوفنى يحبنى على طول وادخل قلبه
انا عايزاه وعازوه حياته بس وانا معاه بس
اول ما اكون لواحدى ارجع دنيتى
الى هى الواقع
بسي ما بحسش انى موجوده الا وانا معاه
غيرنى
شقلبنى من جوايا
كبرنى
كبرنى على الاقل عشر سنين على عمرى
خلنى ببص للحاجه من فوق
من فوق تفكيرى الى المفروض افكره فى سنى
ومش قادره ابعد عنه
مش حقول بحبه
بس بحب دنيته
وبحب تفكيره
بحب نظرته للحياه الى ماينفعش انى اعيشها
علشان اهلى ودينى وتربيتى
طبعا حتقولولى اهل وايه وتربيه ايه ودين ايه الى بتكلمنى عنهم وانتى بتكلمى واحد وعارفاه
بس بجد مع دا انا كل مره بكلمه فيها بفضل اعيط واستغفر ربنا وانى مش حعمل كدا تانى
بس كل مره بصعف واكلمه تانى
او مره حد ياثر عليا
انا اهلى مريبنى كويس اوى وعارفه ربنا وبصلى وبصوم
بس هو لا
ولا فى دماغه اى حاجه من دى
دا السبب الاول انى رافضه انى اكمل معاها حياتى
ورغم انى عارفه انى مستحيل اكمل معاه
برضو مكمله معاه
بس مش حياتى الى انا عايشها فى الواقع
حياه تانيه مدتها ساعه او ساعتين
وارحع انا دماغى مليانه من تفكيره واراءه ونظره للحياه
انا نفسى اعيش زيه
بس مش حينفع
انا لو بعمل حاجه غلط دلوقتى
كلنا بنغلط
بس مش مستعده ابدا انى حياتى تبقى كلها غلطه بعد كدا
كمان المشكله الاساسيه بقى
انى بضيع حياتى
انا عندى 22 سنه
كل ما يتقدمى حد او اى حاجه تتفتح قدامى
اقارن وطبعا مفيش مقارنه
مفيش اى حد زيه
ومضيعه نفسى وعمرى وحياتى على وهم
ممكن اكون انا بس الى شايفه كدا
بس مصدقه
مصدقاه
خايفه ارتبط بحد وافكر فى حد تانى
مش عارفه اعمل ايه
حيسه انى عمرى بيضع ومش عارفه الحقه
عمرى سيباهوله يعمل فى الى هو عايزه
ادعولى ربنا يساعدنى واخرج منه بقى
بيعاملنى على انه بيبى صغير وشايلنى على اديه
وخايف عليا من كل حاجه
وبيدينى كل الحنيه الى موحوده فى الدنيا
الى انا اصلا مش حاسه بيها من اى حد
مش عايزه اتلكم تانى
انا عايزه اسكت
الاشتراك في:
الرسائل (Atom)
